Dafydd Jenkins sydd wedi ei ddewis yn gapten ar y garfan ac ef fydd yr ail berson ieuengaf erioed i arwain Cymru mewn gêm ryngwladol.
Mae pump o chwaraewyr sydd heb ennill cap hyd yn hyn wedi eu dewis yn y garfan – sy’n cynnwys 19 o flaenwyr ac 15 olwr.
Mae wyth chwaraewr arall – sydd eisoes wedi cynrychioli eu gwlad – ond sydd heb brofi’r wefr o chwarae yn y Chwe Gwlad, wedi eu cynnwys hefyd. Fe enillodd Keiron Assiratti, Corey Domachowski, Cai Evans, Kemsley Mathias, Joe Roberts a Teddy Williams eu capiau cyntaf dros yr haf tra bo deuawd y Scarlets Sam Costelow a Ioan Lloyd eto i brofi gwefr y Bencampwriaeth chwaith.
Mae canolwr y Gweilch Owen Watkin a chwaraewr rheng ôl Caerdydd, James Botham wedi ad-ennill eu lle yn y garfan – sydd â chyfartaledd oedran oddeutu 25.
Dywedodd Warren Gatland: “Mae gennym brofiad pobl fel George North a Gareth Davies er mwyn sicrhau bod parhad yn ein datblygiad – ond ry’n ni hefyd yn edrych ymlaen at Gwpan y Byd ac felly’n cynnig y cyfle i rai chwaraewyr ifanc sydd ddim yn cael cyfleoedd cyson ar hyn o bryd.
“Mae’r chwaraewyr ifanc yma yn fy nghyffroi ac ‘rwy’n edrych ymlaen at eu gweld yn datblygu yn ystod y pedair blynedd nesaf.
“Rwyf wedi dysgu dros y blynyddoedd bod yn rhaid mynd yn ôl i’r dechrau i raddau bob pedair blynedd gan eich bod yn anelu at gael y garfan yn eu hugeiniau canol neu hwyr erbyn Cwpan y Byd.
“Mae dechrau gartref mewn stadiwm lawn yn wych i ni gan ei fod yn gosod pwysau arnom.Mae’r Alban yn dîm da fydd wedi cael eu siomi gyda beth ddigwyddodd iddynt yn ystod Cwpan y Byd. Os y cawn ni ddechreuad da – bydd hynny’n ein gosod mewn lle addawol ar gyfer gweddill y Bencampwriaeth.
O safbwynt y gapteiniaeth ychwanegodd Gatland;” Mae agwedd Dafydd a’i broffesiynoldeb wedi creu argraff fawr arnom. Mae eisoes wedi arwain Caerwysg ac mae ganddo barch ei gyd-chwaraewyr.
“‘Roedd wrth ei fodd pan ffoniais ef i gynnig y gapteiniaeth iddo – a gyda chefnogaeth y garfan – fe wnaiff gapten da.”
Bydd y garfan yn ymgynnull yn eu canolfan ymarfer yn Hensol ddydd Llun yr 22ain o Ionawr er mwyn paratoi ar gyfer eu gêm gyntaf yn y Bencampwriaeth yn erbyn Yr Alban ar y 3ydd o Chwefror (16:45). Mae pob tocyn wedi ei werthu ar gyfer ymweliad yr Albanwyr i Stadiwm Principality.
CARFAN CYMRU AR GYFER PENCAMPWRIAETH CHWE GWLAD GUINNESS 2024
Blaenwyr (19)
Corey Domachowski (Caerdydd – 6 chap)
Kemsley Mathias (Scarlets – 1 cap)
Gareth Thomas (Gweilch – 26 chap)
Elliot Dee (Dreigiau – 46 chap)
Ryan Elias (Scarlets – 38 cap)
Evan Lloyd (Cardiff Rugby – heb gap)
Keiron Assiratti (Caerdydd – 2 gap)
Leon Brown (Dreigiau – 23 chap)
Archie Griffin (Caerfaddon – heb gap)
Adam Beard (Gweilch – 51 cap)
Dafydd Jenkins (Caerwysg – 12 cap)
Will Rowlands (Racing 92 – 29 cap)
Teddy Williams (Caerdydd – 1 cap)
Taine Basham (Dreigiau – 16 chap)
James Botham (Caerdydd – 9 cap)
Alex Mann (Caerdydd – heb gap)
Mackenzie Martin (Caerdydd – heb gap)
Tommy Reffell (Caerlŷr – 13 chap)
Aaron Wainwright (Dreigiau – 43 chap)
Olwyr (16)
Gareth Davies (Scarlets – 74 cap)
Kieran Hardy (Scarlets – 18 cap)
Tomos Williams (Caerdydd – 53 chap)
Sam Costelow (Scarlets – 8 cap)
Cai Evans (Dreigiau – 1 cap)
Ioan Lloyd (Scarlets – 2 gap)
Mason Grady (Caerdydd – 6 chap)
George North (Gweilch – 118 cap)
Joe Roberts (Scarlets – 1 cap)
Nick Tompkins (Saraseniaid – 32 cap)
Owen Watkin (Gweilch – 36 chap)
Josh Adams (Caerdydd – 53 chap)
Rio Dyer (Dreigiau – 14 cap)
Tom Rogers (Scarlets – 3 chap)
Cameron Winnett (Caerdydd – heb gap)
Dafydd Jenkins fydd yn arwain y garfan.
GEMAU CHWE GWLAD GUINNESS 2024
Sadwrn 3 Chwefror: Cymru v Yr Alban (DIM TOCYNNAU AR ÔL)
Stadiwm Principality, Caerdydd
16.45
Sadwrn 10 Chwefror: Lloegr v Cymru
Twickenham
16.45
Sadwrn 24 Chwefror: Iwerddon v Cymru
Stadiwm Aviva Stadium, Dulyn.
14.15
Sul 10 Mawrth: Cymru v Ffrainc
Stadiwm Principality, Caerdydd
15:00
Tocynnau ar gael: www.wru.wales/tickets
Sadwrn 16 Mawrth: Cymru v Yr Eidal
Stadiwm Principality, Caerdydd
14.15
Tocynnau ar gael: www.wru.wales/tickets
