Undeb Rygbi Cymru | Cymru a Rhanbarthau | Carfan Cymru ar gyfer y daith i Awstralia

Bydd Cymru’n chwarae dwy Gêm Brawf yn erbyn y Wallabies yn Sydney a Melbourne cyn cwblhau’r daith wrth wynebu’r Queensland Reds yn Brisbane.

Dewi Lake fydd yn gapten ar y garfan – sydd eisoes wedi ennill 597 o gapiau rhyngddynt ar y llwyfan rhyngwladol hyd yn hyn.

Mae tri o chwaraewyr sydd eto i ennill cap wedi eu dewis yn y garfan – sy’n cynnwys 19 o flaenwyr a 15 olwr. Y bachwr Efan Daniel (Caerdydd) a’r asgellwyr Regan Grace (Caerfaddon) a Josh Hathaway (Caerloyw) yw’r tri hynny.

Mae anafiadau i gefn Keiron Assiratti a phigwrn Elliot Dee’n golygu na fyddan nhw’n teithio i Awstralia. Ni fydd Henry Thomas ar yr awyren chwaith wrth iddo barhau i wella o anaf i’w droed.

Dywedodd Warren Gatland: “Mae’r garfan yma’n fy nghyffroi.’Ry’n ni’n gwybod fod Awstralia’n lle anodd i fynd iddo i chwarae rygbi – ond ‘ry’n ni wir yn edrych ‘mlaen at y daith a’r her honno.

“Bydd y ddwy gêm brawf yn ffyrnig o gystadleuol ac ‘ry’n ni hefyd yn falch iawn o’r cyfle i allu chwarae trydedd gêm yn erbyn y Queensland Reds.

“Ry’n ni’n canolbwyntio ar wella a chryfhau fel grŵp.

“Mae’r garfan hon yn ifanc o hyd ac yn dal i ddysgu am chwarae ar y lefel yma. ‘

“Roedd llawer o agweddau cadarnhaol o’r gêm dros y penwythnos – ac fe allwn ni weithio’n galed iawn dros yr wythnosau nesaf i adeiladau ar y pethau positif hynny.”

CARFAN CYMRU AR GYFER Y DAITH I AWSTRALIA

Blaenwyr (19)

Corey Domachowski (Caerdydd – 10 cap)

Kemsley Mathias (Scarlets – 3 chap)

Gareth Thomas (Gweilch – 31 cap)

Efan Daniel (Caerdydd – heb gap)

Dewi Lake (Gweilch – 13 chap) – Capten.

Evan Lloyd (Caerdydd – 3 chap)

Archie Griffin (Caerfaddon – 1 cap)

Dillon Lewis (Harlequins – 57 cap)

Harri O’Connor (Scarlets – 2 gap)

Ben Carter (Dreigiau – 12 cap)