Mae pedwar newid – gan gynnwys dau newid safle – i’r tîm ddechreuodd y prawf cyntaf yn Sydney y penwythnos diwethaf.
Gan bod Aaron Wainwright wedi anafu ei goes – bydd Taine Plumtree’n symud i safle’r wythwr. Ni fydd Wainwright ar gael ar gyfer gêm olaf y daith yn erbyn y Queensland Reds chwaith.
Bydd James Botham yn dechrau fel blaenasgellwr ochr dywyll a Tommy Reffell fydd ar yr ochr agored.
Cameron Winnett sydd wedi ei enwi’n gefnwr gyda Liam Williams yn symud i’r asgell gyda Rio Dyer yn cadw ei le ar yr asgell arall.
Nid oedd modd ystyried Josh Hathaway ar gyfer yr ail brawf hon gan iddo anafu ei benelin yn ystod y prawf cyntaf yn Sydney.
Mae Mackenzie Martin wedi ei ddewis i ddechrau ar y fainc.
Dywedodd Warren Gatland: “Ry’n ni’n edrych ymlaen at gyfle arall i gystadlu hyd eitha’n gallu unwaith eto’r penwythnos hwn.
“Yr wythnos hon ‘ry’n ni wedi bod yn canolbwyntio ar ein prosesau gan adeiladu ar ein cryfderau a miniogi ambell agwedd o’n chwarae sydd angen ei wella.
“Bydd perfformiad Awstralia’n gryfach fyth ym Melbourne ac felly mae’n rhaid i ni ddechrau’n gadarn gan gadw ein disgyblaeth fel y gallwn gystadlu tan y diwedd un.”
Tîm Cymru i wynebu Awstralia
15. Cameron Winnett (Caerdydd – 6 chap)
14. Liam Williams (Kubota Spears – 91 cap)
13. Owen Watkin (Gweilch – 40 cap)
12. Mason Grady (Caerdydd – 13 chap)
11. Rio Dyer (Dreigiau – 21 cap)
10. Ben Thomas (Caerdydd – 3 chap)
9. Ellis Bevan (Caerdydd – 2 gap)
1. Gareth Thomas (Gweilch – 32 cap)
2. Dewi Lake (Gweilch – 14 cap) capten
3. Archie Griffin (Caerfaddon – 2 gap)
4. Christ Tshiunza (Caerwysg – 11 cap)
5. Dafydd Jenkins (Caerwysg – 18 cap)
6. James Botham (Caerdydd – 12 cap)
7. Tommy Reffell (Caerlŷr – 19 cap)
8. Taine Plumtree (Scarlets – 4 cap)
Eilyddion
16. Evan Lloyd (Caerdydd – 4 cap)
17. Kemsley Mathias (Scarlets – 4 cap)
18. Harri O’Connor (Scarlets – 3 chap)
19. Cory Hill (Secom Rugguts – 33 cap)
20. Mackenzie Martin (Caerdydd – 4 cap)
21. Kieran Hardy (Gweilch – 22 cap)
22. Sam Costelow (Scarlets – 14 cap)
23. Nick Tompkins (Saraseniaid – 37 cap)
