Ar faes y Sioe yn Nulyn, y Gwyddelod enillodd o 57-5 ac agorwyd y sgorio wedi pedwar munud yn unig pan groesodd y canolwr Aoife Dalton am gais cyntaf ei thîm cyn i’w hasgellwr Anna Doyle gofnodi cais unigol hynod gofiadwy o’i llinell gais ei hun. Wedi’r ddau drosiad ‘roedd y tîm cartref ar y blaen o 14-0 yn gynnar yn y gêm.
Erbyn yr egwyl ‘roedd Doyle wedi crosesi ddwywaith yn rhagor gan sefydlu mantais o 26-0 i’w thîm wrth droi.
Yn ystod yr ail gyfnod fe groesodd Dalton am ei hail gais cyn i Doyle gofnodi ei phedwerydd sgôr o’r ornest ac fe ychwanegodd O’Brien y trosaid yn hyderus. Wrth i’r gêm dynnu at ei therfyn fe sicrhaodd Dalton ei thrydydd cais o’r prynhawn a Kelly Burke groesodd y gwyngalch am gais arall y tîm cartref,
Gronyn o gysur i’r Cymry oedd y ffaith i’r eilydd Gabby Healan dirio dros yr ymwelwyr yn hwyr yn ystod yr ornest – ond ‘doedd hynny ddim yn ddigon o bellffordd i garfan Ashley Beck gofnodi eu buddugoliaeth gyntaf o’r Her Geltaidd eleni.
