Dan Lydiate

Enillodd Lydiate ei gap cyntaf dros Gymru ym mis Tachwedd 2009 yn erbyn yr Ariannin yn Stadiwm y Mileniwm.

Chwaraeodd ei gêm gyntaf ym Mhencampwriaeth y Chwe Gwlad RBS yn 2011, ac aeth yn ei flaen i ennill pum cap yng Nghwpan Rygbi’r Byd y flwyddyn honno yn Seland Newydd.

Chwaraeodd mewn pedair o’r pum gêm ym Mhencampwriaeth y Chwe Gwlad RBS yn 2012, gan helpu Cymru i gipio’r Gamp Lawn, ac enillodd deitl Chwaraewr y Bencampwriaeth yn 2012.
Chwaraeodd Lydiate ym mhob un o dair gêm brawf y Llewod yn 2013 yn erbyn Awstralia, gan helpu’r tîm enwog i ennill cyfres am y tro cyntaf ers 16 mlynedd.