George North

Cafodd North ei eni yn King’s Lynn, ac mae ei dad yn hanu o Swydd Efrog a’i fam yn hanu o Gymru. Symudodd i ogledd Cymru pan oedd yn ddwy oed, ac mae’n siarad Cymraeg yn rhugl.

North oedd y chwaraewr cyntaf yn y byd i sgorio 10 cais mewn gemau prawf tra oedd yn dal yn ei arddegau, ac roedd wedi ennill 21 o gapiau cyn ei ben-blwydd yn 20 oed.

Roedd yn aelod cyson o dimau hynod lwyddiannus Cymru ym Mhencampwriaeth y Chwe Gwlad RBS yn 2012 a 2013, a chafodd lwyddiant ysgubol ar daith y Llewod i Awstralia yn 2013 pan sgoriodd ddau gais yn y tair gêm brawf.