Jonathan Davies

Enillodd Davies ei gap cyntaf dros Gymru yn erbyn Canada ym mis Mehefin 2009. Chwaraeodd ym mhob un o’r saith gêm yng Nghwpan Rygbi’r Byd yn 2011, ym mhob un o’r pum gêm a arweiniodd at y Gamp Lawn y flwyddyn ganlynol, ac ym mhob un o’r pum gêm ym Mhencampwriaeth lwyddiannus 2013.

Dechreuodd Jonathan ym mhob un o’r tair gêm brawf dros y Llewod a oedd yn fuddugol yn erbyn Awstralia yn 2013.

Cafodd ei yrfa ryngwladol gynnar ei rhwystro gan anaf a gafodd i’w ben-glin ym Mhencampwriaeth dan 19 y Byd yn 2006, ond serennodd ym Mhencampwriaeth Iau gyntaf y Byd yr IRB a gynhaliwyd yng Nghymru yn 2008.