Ar noson ddychrynllyd o oer yn Newcastle, methodd Cymru â thanio yn yr hanner cyntaf gan adael i Loegr fynd ar y blaen gyda sgôr o 38-0, a oedd yn ddigon i ennill y gêm i’r Saeson.
Croesodd blaenwyr Lloegr, Harry Thacker a seren y gêm Gus Jones, am ddau gais yr un ar ôl i’r mewnwr Henry Taylor sgorio cais cyntaf y noson. Llwyddodd y maswr Billy Burns i drosi’r pum cais, a chiciodd gôl gosb yn y funud gyntaf wrth i’r tîm cartref reoli’r gêm yn llwyr.
Parhau i sgorio wnaeth Lloegr ar ôl yr hanner wrth i Zach Kibirige dirio yn gyntaf cyn i Jones ychwanegu dau gais arall. Sgoriodd Alex Lundberg a’r capten Maro Itoje ddau gais olaf y Saeson ar noson druenus i Gymru.
Cais cosb yn hwyr yn y gêm, a gafodd ei drosi gan Luke Price, oedd unig ymateb y Cymry.
Sgorwyr:
Lloegr: Taylor, Thacker (2), Jones (4), Kibirige, Lundberg, Itoje; Trosiadau: Burns (6), Olver; Gôl gosb: Burns
Cymru: Cais: Cais cosb; Trosiad: Price.
