Ben Warren

Dechreuodd y prop pen tynn, sy’n addawol tu hwnt, ar ei yrfa ym maes rygbi’n chwarae yn safle’r wythwr i Ystrad Rhondda, cyn symud i’r rheng flaen.

Roedd yn rhan o dîm cryf Ysgolion y Rhondda sydd wedi bod mor llwyddiannus yng nghystadleuaeth Tarian Dewar – sef yr uchafbwynt ym maes rygbi ysgolion – gan chwarae mewn dwy rownd derfynol.

Bu’n chwarae i dîm dan 16 Gleision Caerdydd a thîm dan 16 Cymru cyn symud i Goleg y Cymoedd. Yna, chwaraeodd i dîm dan 18 Gleision Caerdydd a chafodd ei gynnwys yn nhîm dan 18 Cymru flwyddyn yn gynnar.

Mae hefyd wedi cynrychioli Cymru dan 19.