Deon Smith

Bu’r asgellwr cryf yn gyfrifol am chwalu gobeithion Lloegr gyda chais yn ystod amser ychwanegol yn yr ornest ym Mhencampwriaeth y Chwe Gwlad i’r timau dan 20 ym Mae Colwyn.

Dangosodd ei gryfder a’i natur benderfynol pan hyrddiodd ei hun dros y llinell gais er gwaethaf ymdrechion taer sawl un o amddiffynwyr Lloegr i’w rwystro.

Dechreuodd ar ei yrfa ym maes rygbi gyda thîm Pontypool United ac mae wedi chwarae i Fedwas yn Uwch Gynghrair Principality. Roedd hefyd yn aelod o dîm y Dreigiau a fu’n cystadlu yn nhymor cyntaf y gystadleuaeth ranbarthol i’r timau dan 23 yn 2018/19.