Lennon Greggains

Cafodd Greggains, sy’n chwaraewr o fri, ei addysg yn Ysgol Uwchradd Casnewydd a chwaraeodd ei gêm gyntaf dros y Dreigiau yn 2017. Mae wedi chwarae i Cross Keys a Chasnewydd yn Uwch Gynghrair Principality.

Collodd gêm agoriadol Pencampwriaeth y Chwe Gwlad i’r timau dan 20 yn 2019 yn erbyn Ffrainc oherwydd anaf ond dychwelodd ar gyfer y ddwy gêm nesaf yn erbyn yr Eidal a Lloegr, lle’r oedd yn ddylanwadol. Collodd ddwy gêm olaf yr ymgyrch oherwydd ymrwymiadau rhanbarthol gyda’r Dreigiau.