Ryan Conbeer

Chwaraeodd y sgoriwr ceisiau o fri o Saundersfoot ei gêm gyntaf i’r Scarlets yn 2016 mewn buddugoliaeth o 44 i 21 yn erbyn Caerfaddon. Cafodd ei alw i garfan dan 20 Cymru am y tro cyntaf ar gyfer Pencampwriaeth y Chwe Gwlad i’r timau dan 20 yn 2017, ac aeth yn ei flaen i chwarae ym Mhencampwriaeth y Byd i’r timau dan 20 yn Georgia.

Bu’n chwarae i Academi’r Scarlets a chafodd ei gynnwys yng ngêm hollbwysig Llanelli yn erbyn Pont-y-pŵl a oedd yn brwydro i ennill dyrchafiad ar ddiwedd ymgyrch Uwch Gynghrair Principality 2019, a sgoriodd gais mewn buddugoliaeth gyfforddus a gadarnhaodd le’r clwb yn yr Uwch Gynghrair.